Má þetta virkilega?

Ég get nú bara ekki orða bundist. Aldrei segir enginn mér neitt. Var að horfa á auglýsingarnar og í einni auglýsingunni er kennari að drekka rauðvín í miðjum kennslutíma og svo í annarri auglýsingu var sýnt þegar fólk var að borða jólamatinn sinn inn í miðju IKEA.

Þetta er eitthvað sem enginn var búinn að segja mér að væri í boði. Mig hefur alltaf langað að fá mér eitt rauðvínsglas í vinnunni og fyrst það má í auglýsingunum þá hlýtur það að mega allsstaðar annarsstaðar. Og mig hefur alltaf langað að mæta í IKEA og prufa að hafa matarboð við ýmis borðsstofuborð sem eru til sölu þar. Hvernig á maður að vita hvaða borð hentar nema að fá að prufa þau með því að halda almennilegt matarboð.

Þannig að næsta föstudagskvöld verður öllum vinum mínum boðið í mat, mæting kl. 19.00 í Kauptúni 4, 2. hæð - sjöundi bás til vinstri. Ég verð örugglega með afgang af rauðvíninu sem ég ætla að drekka í vinnunni en ef þið viljið eitthvað annað þá takið þið það með ykkur. Sjáumst!

Athugasemdir

[Anna Viðarsdóttir, 3.12.2007 kl. 10:57]

Ég er nú meira fyrir malt og appelsín...

[Áslaug Kristinsdóttir, 3.12.2007 kl. 12:32]

Ég er alltaf til í ad drekka raudvín, kem tll landsins til á morgun til ad missa ekki af veislunni! Sjáumst!!