Eitraðar pillur bankanna

Ég rak augun í auglýsingu frá einum íslensku bankanna sem var á þá leið að þeir sem leggja inn evrur hjá þeim fá bestu ávöxtunina hjá þeim miðað við hina bankana. 4.90% ávöxtun sem er nokkuð góð ávöxtun á erlendu fé hér á landi.

En fyrir almenna íslendinga er þetta mjög óskynsamlegt miðað við ástandið í dag. Ef ég ætti t.d. 1.000.000 kr. og myndi kaupa fyrir hana evrur í dag á genginu 116,21 kr. þá fengi ég € 8.605. Eftir eitt ár fengi ég € 422 í vexti og ætti því € 9.027. En hvað verður gengið á evrunni eftir eitt ár? Það er útilokað að segja til um það en þeir sem ég hef rætt við telja að það verði um 100 kr. Það myndi þýða að € 9.027 = 902.700 kr. Það þýðir að ég myndi tapa ca. 100.000 kr. á því að leggja peningana mína inn á erlendan reikning í dag. Raunávöxtun væri því tap upp á ca -10%!

Auglýsingar bankanna eru mjög góðar til að sjá hvað raunverulega er að gerast bak við tjöldin og nú má því búast við styrkingu krónunnar á næstunni.

Athugasemdir

[Björgvin Kristinsson, 2.6.2008 kl. 00:35]

Ok. Sem sé allir að taka öll tiltæk erlend lán núna því þau borga sig upp sjálf í næstu gengissveiflu

[Björgvin Kristinsson, 10.6.2008 kl. 21:03]

Heyrðu..... hvað græðir ríkissjóður þá marga milljarða ef gengið færi aftur í það horf sem það var í  t.d. um síðustu áramót?