Hjarðkeppni - of margar bensínstöðvar?

Ég heyrði nýtt orð yfir aukna álagningu olíufélaganna en það er hjarðhegðun þegar allir elta hina í álagningu. Þ.e.a.s. þegar einn hækkar hækka allir hinir líka en ef einn lækkar þá bíða hinir eftir því að hann hækki aftur, o.s.frv. Ég held að það væri betra að kalla hjarðhegðun samkeppnisaðila, hjarðkeppni.

En ég held að ástæðan fyrir aukinni álagningu olíufélaganna sé ekki endilega þeim sjálfum að kenna. Ef ég ætla að taka eldsneyti og er til í að keyra ca. 5 km á næstu bensínstöð, þá get ég valið úr (ekki tæmandi listi):

1. Olís - Hamraborg, 
2. N1 - Engihjalla,
3. Orkunni - Smiðjuvegi,
4. Egó - Staldrinu,
5. Olís - Mjódd,
6. Shell - Breiðholsbraut,
7. Orkunni - Dalvegi,
8. Ób - Bæjarlind,
9. Egó - Smáralind (austanmegin),
10. Egó - Smáralind (vestanmegin),
11. Shell - Smáralind,
12. Atlantsolíu - Bústaðavegi,
13. N1 - Fossvogi, 
14. Atlantsolíu - Kársnesbraut

Hvað kostar að reka allar þessar 14 bensínstöðvar! Ég bara spyr! Ég þarf bara eina, þegar bensínljósið kviknar ég get keyrt 50 km áður en ég tek eldsneyti. Finnst einhverjum skrítið hvað álagningin er há þegar fjöldi bensínstöðva er skoðaður?  Er einhver svo vitlaus að halda að það sé selt meira eldsneyti þegar það eru fleiri bensínstöðvar?

Athugasemdir

[Áslaug Kristinsdóttir, 9.8.2008 kl. 13:46]

Þetta er alveg rétt hjá þér, þetta eru alltof margar bensínstöðvar á litlu svæði. En, afhverju gleymdirðu N1 í Skógarseli?

[Anna Viðarsdóttir, 9.8.2008 kl. 19:59]

Ég vil bara eina ríkisrekna bensínstöð...

Kveðja,

Marteinn Mosdal

[Björgvin Kristinsson, 11.8.2008 kl. 01:16]

Það veitir ekkert af þessum stöðvum. Vitiði hvað ég hef oft rétt sloppið upp að bensíndælunni með kannski dautt á þremur!!!