Fjármálasnilli!

Í nóvember 2007 fékk ég lánuð 10.000 pund hjá vinafólki í Englandi til að fjárfesta. Ég lofaði að endurgreiða til baka 11.300 pund einu ári seinna.

Ég fór með pundin í bankann og skipti þeim í krónur. Fyrir þau fékk ég 1.220.000 krónur.

Fyrir þann pening keypti ég hlutabréf í Kaupþingi. Þau hlutabréf fór ég með í Landsbankann og veðsetti þau fyrir 75% og fékk yfirdráttarlán þar upp á   915.000 kr. til að kaupa hlutabréf í Landsbankanum.

Þá fór ég í Glitni og veðsetti hlutabréfin í Landsbankanum fyrir 75% og fékk þar yfirdráttarlán upp á  686.000 kr. sem ég notaði til að kaupa hlutabréf í Glitni.

Glitnisbréfin fór ég með í Kaupþing og veðsetti fyrir 75% og fékk þar yfirdráttarlán upp á  514.000 kr sem ég notaði til að kaupa fleiri hlutabréf í Kaupþingi.

Rúmu ári seinna skulda ég vinafólki mínu í Englandi  2.079.000 kr. og er með yfirdrátt upp á 2.643.000 kr. Samtals skuld upp á 4.722.000 kr. Eignir á móti eru 0 kr.

Hvernig ég gat farið að því að skulda rúma milljón í næstum fjórfalda þá upphæð á einu ári, án þess að eiga neinar eignir upp í skuldir, er hreinasta ráðgáta fjármálakreppunnar...

Athugasemdir

[Áslaug Kristinsdóttir, 15.1.2009 kl. 01:44]

Ætlar þú ekki að sækja um bankastjórastöðu?

[Þorsteinn Kristinsson, 15.1.2009 kl. 10:51]

Jú, miðað við þetta þá ætti ég að uppfylla allar hæfniskröfurnar.